لاك ډاٶن د وخت ضرورت دې۔ خارجه وزير شاه محمود قرېشي

اسلام آباد 27 مارچ (اے پي پي) خارجه وزير شاه محمود قرېشي وئيلي دي د نيشنل کوآرډينيشن کميټۍ د پرېكړو په رڼا كښې به د وفاق او صوبو ترمينځه رابطو كښې لا ښه والې راوستلې شي دې مقصد لپاره كمانډ اېنډ كنټرول سنټر جوړ كړې شوې دې او صوبو ته وئيلي شوي دي چې ھغوي خپل خپل نمائندګان ونوموي، دا کمانډ اينډ کنټرول سنټر به د نيشنل ډيزاسټر مينجمنټ اتھارټۍ په مشرۍجوړولې شي۔ شاه محمود قرېشي څوك چې د قامي رابطه كميټۍ د لوړې كچې په غونډه كښې شريك ٶ كومه چې تيره ورځ د وزيراعظم عمران خان په مشرۍ كښې شوې وه د هغې حواله وركولو سره خپل بيان كښې ده ووئيل په تيره غونډه كښې مهمې پرېكړې شوې، وړومبۍ پرېكړه دا وشوه چې د وفاق او صوبو ترمينځه دې رابطې لا ښه كړې شې، دې مقصد لپاره کمانډ اينډ کنټرول سنټر جوړ كړې شوې دې۔ ده ووئيل دا مهال د نړيوالې وباء مخنيوي لپاره زمونږ هيلت كارمندان مهم كردار لوبوي د هغوي تحفظ باوري كولو ته پام لرنه كوو٬ دې لپاره پرونۍ غونډه كښې دا پرېكړه شوې چې د دغه وركرانو حفاظت لپاره به ټول ضروري ګامونه پورته كولې شي۔ د ټيسټنګ سهولت لا ښه كولو او د زياتولو هم پرېكړه شوې ده چې لپاره مونږ د پي سي آر نوې مشينان اخلو چې ورسره به زمونږ د ټيسټنګ استعداد يو په دوه زيات شي۔ده ووئيل لاك ډاٶن د وخت اهم ضرورت دې چې څوك ترې هم سرعړونه نشي كولېخو مونږ له د لاك ډاٶن سره سره دا خبره هم باوري كول دي چې اولس ته د خوراك څښاك څيزونه په باقاعدګۍ سره ترلاسه وي۔ په غونډه كښې د جمعې لمونځ ادا كولو په چارفو هم بحث شوې چې پكښې د صوبو نمائندګان هم موجود ٶ د ټولو رائ معلومه كړې شي او د الازهر پوهنتون لخوا جاري شوې فتوٰې هم رامخې ته كړې شوې د بيلو مكاتب فكر د علمائے كرامو رائ هم معلومې كړې شوه او متفقه پرېكړه دا وشوه چې په جوماتونو كښې دې د جمعې اجتماعات محدود وي، د جمعې لمونځ محدود اجتماعاتو لپاره يوازې اعلاميه به كافي نه وي مونږ له به اولس قائل كول وي۔ده ووئيل د سندھ حكومت په تيره اوونۍ كښې اعلاميه جاري كړې وه چې په موجوده وضعه كښې په جوماتونو كښې به د جمعې لمونځ نه ادا كيږي او جوماتونو ته د جمعې په ورځ تالې ولګولې شوې نو اولس په سړكونو د جمعې اجتماعاتو كښې لمونځ وكړو۔ ده ووئيل يو شمير اسلامي هيوادونو د اسلامي شرعې مطالعه كولو سره په دې لړ كښې ګامونه پورته كړي او د اولس لارښونې ئې كړې د كمپائن د لارې اولس اماده كيدې شي چې ھغوي د سماجي فاصلې د اصولو له مخې د لمونځونه ترجيحاً كورونو كښې وكړي خو په زور په دې عملدرآمد نه شي كېدې۔ پرون د مذهبي چارو وزير ته د سعودي چارواكو لخوا چيټۍ راغلې چې پكښې مونږ سږ كال د حج ادا كولو په اړه د صورتحال جاج اخلو اوس فې الحال تاسو انتظامات بند كړئ ځكه چې په سعودي كښې هم د دې وباء د رنځورانو شمېره په زياتېدو ده ٬ دې لپاره د دې نړيوالې وباء صورتحال په تناظر كښې چې د ګڼ شمير خلقو راغونډېدو سره خطر اندېښنه رامخې كيدې شي ځكه اوس ټول صورتحال لا زمونږ په قابو كښې نه دې او تر اوسه حتمي پرېكړه نه ده شوې٬ مونږ لاس په دعا يو چې حالات به ډېر معمول ته راشي او مونږ به په دې وباء قابو موندلو كښې بريالي شو۔(

مضمون کا ماخذ : تعداد بہت زیادہ ہے۔

متعلقہ مضامین