د ترهګرۍ په ضد جنګ كښې زمونږ د ځواكونو او اولس ځانګړې قربانۍ په نړۍ كښې مثال نه لري

اسلام آباد ۔ 7 ستمبر (اے پی پی) خارجه وزير خواجه محمد آصف وئيلي دي د ترهګرۍ په ضد جنګ كښې زمونږ د ځواكونو او اولس ځانګړې قربانۍ په نړۍ كښې مثال نه لري۔ نړۍ بايد د ترهګرۍ په ضد جنګ كښې زمونږ تجربې څخه استفاده وكړي۔ د پاكستان نه غېر دا جنګ ګټلې نه شي۔ نړۍ دې مني يا نه مني مونږ دا جنګ ګټو۔ هېواد او قام د ترهګرۍ څخه ساتلو ته مونږ تر ټولو اول پام كوؤ۔ سيمه كښی نوې بدلونونه او صف بندۍ روانې دي۔ مونږ له به هم د نوي او سم اړخ تعين كول وي۔ امريكا سره په شريك عزت او احترام اړيكې غواړو ولې د هېواد د ګټو به هېڅ سودا كولې نه شي۔ د زيارت په ورځ د درې ورځني سفرا كنفرنس په پايه خارجه دفتر كښې پرېس بريفنګ ته خطاب او د خبريالانو بېلو پوښتنو ځواب وركولو په مهال خارجه وزير د 80 لسيزې ذكر كولو سره ووئيل پاكستان څخه په دغه موده كښې څه وروك شول او څه ورته په لاس ورغلل ددې تعين خو به يو تاريخ ليكونكے كوي ولې بياهم مونږ څخه وروك شوې ډېر دي او په لاس هېڅ راغلي نه دي۔ ده ووئيل سيمه كښی نوې بدلونونه او صف بندۍ روانې دي۔ مونږ له به هم د نوي او سم اړخ تعين كول وي او په دې كښې به تندي كولې شي۔ ده ووئيل چين او روسيه په دې سيمه كښې دوه لوئې طاقتونه دي او د افغانستان په اړه روسيه مهم او فعاله كردار ترسره كولې شي۔ د ترهګرۍ په ضد جنګ په اړه خواجه آصف ووئيل نړۍ د ترهګرۍ په ضد جنګ كښې زمونږ كاميابو ته نړۍ په بېل بېل نظر ګوري۔ مونږ له به دغه نقطه نظر سمول وي۔ ده ووئيل پاكستان د نړۍ يواځنې هېواد دے كوم چې دا جنګ ګټي او ډېر زر به كامياب شي۔ ده ووئيل هېواد او 20 كروړه اولس ترهګرۍ څخه ساتل زمونږ اولنۍ ترجيح ده۔ ده ووئيل نړۍ كه مني او كه نه ولې مونږ ته په دې وياړ دے چې مونږ دا جنګ ګټو۔ ده ووئيل مونږ سوات ٬ خېبر ايجنسۍ او د وزيرستان په شمول ټولو قبائلي ايجنسو كښې امن په ځائې كړې۔ ده ووئيل خارجه وزير خواجه محمد آصف ووئيل د ترهګرۍ په ضد جنګ كښې زمونږ د ځواكونو او اولس ځانګړې قربانۍ په نړۍ كښې مثال نه لري۔ د پاك امريكا اړيكو په اړه ده ووئيل د هېوادونو ترمينځھ اړيكې كمې زياتې كېږي۔ مونږ امريكا سره په شريك عزت او احترام اډانه اړيكې غواړو۔ ده ووئيل د هېواد د ګټو به هېڅ سودا كولې نه شي۔ ده ووئيل امريكا سره به اقتصادي او تجارتي اړيكې په ځائې ساتو۔ خارجه وزير ووئيل د امريكائي اولس مشر ډونلډ ټرمپ د پاك افغان پالېسۍ څخه وروستو جوړولو ته اړتيا وه۔ په سفرا کانفرنس كښې په نوې پالېسۍ غور وكړے شو۔ ده ووئيل كنفرنس كښې د ملګرو ملتونو په كردار خبره وشوه۔ ده ووئيل ملګرو او سيمه ايزو ګاونډي هېوادونو او په خاص توګھ افغانستان سره په اړيكو تفصيلي خبرې وشوې۔ او كشمير كښې روانه وضعه نظر كښې نيولو سره هند سره په اړيكو هم خبره وشوه۔ د افغانستان په اړه خارجه وزير ووئيل افغانستان زمونږ ګاونډي هېواد دے او د افغانستان د ګټو به خيال ساتلې شي۔ ده ووئيل روسيه د سيمې لوئے طاقت دے او د افغانستان معاملې په اړه روسيه مهم او فعاله كردار ترسره كولې شي۔ د افغان جهاد په اړه ده ووئيل د تېرو 40 كلونو څخه چې كوم كلتور وده كړې دا په دوه كاله كښې بدلولې نه شو

مضمون کا ماخذ : پاور بال کی پیشن گوئی

متعلقہ مضامین