پاڪستان خلاف ناپاڪ سازشون ناڪام بڻائينداسين، ايٽمي پروگرام تي ڪوبه ٺاهه نه ٿيندو: وزيراعظم محمد شهباز شريف

اسلام آباد- 24 ڊسمبر (اي پي پي) وزيراعظم محمد شهباز شريف ان عزم جو اظهار ڪيو آهي ته پاڪستان خلاف ناپاڪ سازشون ناڪام بڻائينداسين، ايٽمي پروگرام تي ڪوبه ٺاهه نه ٿيندو، قومي يڪجهتي ۽ اتحاد کي هٿي ڏيڻ لاءِ پي ٽي آءِ سان خلوص سان ڳالهيون ڪنداسين، اميد آهي ته ڳالهين جي ڪاميابيءَ سان ملڪ ۾ امن ۽ معاشي استحڪام ايندو. اهڙو اظهار هن وفاقي ڪابينه جي اجلاس ۾ ڳالهائيندي ڪيو. وزيراعظم چيو ته گذريل ڪجهه مهينن دوران دهشتگرد حملن ۾ واڌ ٿي، ڪجهه ڏينهن اڳ خوارجن جي حملي ۾ 17 جوان شهيد ٿيا. وزيراعظم ڪابينه اجلاس ۾ شهيدن جي درجن جي بلنديءَ لاءِ دُعا ڪرائي. وزيراعظم نيشنل ڊفينس ڪامپليڪس ۽ ٻين دفاعي پابندين کي بنا جواز قرار ڏيندي چيو ته پاڪستان جو ايٽمي پروگرام جارحاڻو ناهي، اهو 100 سيڪڙو پاڪستان جي دفاع ۽ ڊيٽرنس لاءِ آهي. پاڪستان ڪنهن خلاف جارحاڻو عزم نٿو رکي. پرڏيهي آفيس ان حوالي سان جامع ۽ مربوط جواب ڏنو آهي پر اها ڳالهه طئي آهي ته هي پروگرام 24 ڪروڙ عوام جو آهي ۽ اسان کي هر شيءِ عزيز آهي. ان تي ڪو سمجهوتو نه ٿيندو، پوري قوم ان تي متحد آهي. وزيراعظم قومي اسيمبليءَ جي اسپيڪر طرفان پي ٽي آءِ سان ڳالهين جي قدم کي سٺو سنوڻ قرار ڏيندي چيو ته مون صلاح مشوري سان اسحاق ڊار، راڻا ثناءُ الله، عرفان صديقي، راجا پرويز اشرف، نويد قمر، ڊاڪٽر مقبول صديقي، عليم خان، اعجاز الحق ۽ خالد مگسي تي ٻَڌل ڪميٽي ٺاهي آهي. قومي مفاد جي گهرج آهي ته اسان پنهنجن ذاتي مفادن کي قومي مفادن جي تابع ڪريون ۽ ذاتي پسند ۽ ناپسند کي قوم خاطر قربان ڪريون. ان مقصد ۽ هدف کي آڏو رکي جيڪا ڳالهه ٻولهه ٿيندي ان سان ملڪ ۾ قومي يڪجهتي ۽ بهتري ايندي. اسان کي ڪنهن جي نيت تي شڪ ناهي ۽ اميد آهي ته گڏجي اهڙو حل ڪڍنداسين جيڪو ملڪ جي بهترين مفاد ۾ هجي ۽ ملڪ ۽ قوم کي ان مان فائدو ٿئي ۽ ان سان ملڪ ۾ وڌيڪ معاشي استحڪام اچي. وزيراعظم قومي يڪجهتي ۽ اتحاد کي هٿي ڏيڻ تي زور ڀريندي چيو ته اسپيڪر جي بهتر قدمن تي حڪومت نيڪ نيتيءَ سان اڳتي وڌندي ۽ اميد آهي ته ٻي ڌُر پاران به ان ئي جذبي جو مظاهرو ڪيو ويندو. اميد ڪريون ٿا ته ٻئي ڌريون گڏجي پاڪستان کي امن ۽ استحڪام جي راهه تي گامزن ڪنديون. وزيراعظم دهشتگردي جي واقعن جو ذڪر ڪندي چيو ته گذريل ڏينهن اسان جي سيڪيورٽي فورسز وڌيڪ 8 خوارجين کي ماري ڇڏيو ۽ پاڪ فوج جي سپهه سالار جوانن جي همٿ افزائي وڌائڻ لاءِ پاڻ وانا ويو. وزيراعظم چيو ته ملڪ ۾ ٻيهر ڪَر کڻندڙ دهشتگردي جي مڪمل خاتمي تائين ملڪ جي ترقي ۽ خوشحاليءَ لاءِ اسان جي ڪوششن جو ثمر قوم تائين نه پهچي سگهندو. دهشتگرديءَ جي خاتمي لاءِ صوبن سان گڏجي سمورا وسيلا ڪتب آڻينداسين ۽ دهشتگردي کي ٻيهر ڪُچلڻ تائين سُک سان نه ويهنداسين. وزيراعظم بلوچستان ۽ ڪي پي ڪي ۾ دهشتگرديءَ جي سببن جو ذڪر ڪندي چيو ته پاڪستان خلاف ناپاڪ سازشن کي ناڪم بڻايو ويندو. هن پارا چنار ۾ فرقيواراڻي تڪرارن جي افسوسناڪ واقعي کي بدقسمتي قرار ڏيندي چيو ته انهن تڪرارن ۾ ٻنهي پاسن کان قيمتي حياتيون ضايع ٿيون. وزيراعظم ان واقعي تي افسوس جو اظهار ڪيو ته جڏهن اها خونريزي ٿي رهي هئي ته صوبائي حڪومت اسلام آباد تي چڙهائي ڪري رهي هئي، ڪاش انهن جا وسيلا ۽ توانائي پارا چنار ۾ خرچ ٿين ها ته ايترو نقصان نه ٿئي ها. وزيراعظم ڪابينا کي ٻڌايو ته گهرو وزير ڪي پي ڪي جو دورو ڪيو آهي ۽ هو ڪابينا کي اتان جي صورتهال تي اعتماد ۾ وٺندو. وزيراعظم چيو ته دهشتگردي جي ناسور کي مڪمل ختم ڪنداسين ۽ پاڪستان درپيش چئلينجز مان سرخرو ٿي نڪرندو.دهشتگردي خلاف اسان جي فورسز جون قربانيون ضايع نه وينديون. وزيراعظم معاشي صورتهال تي اطمينان جو اظهار ڪندي چيو ته اسٽيٽ بينڪ پاليسي ريٽ ۾ گهٽتائي ڪري 13 سيڪڙو ڪري ڇڏيو آهي. مهاناگئي 5 سيڪڙو کان به گهٽجي وئي آهي. جيڪا 2018ع بعد سڀ کان گهٽ آهي. ايڪسپورٽ ۾ به اضافو ٿي رهيو آهي، پرڏيهه مان آيل ناڻي، آءِ ٽي ايڪسپورٽ ۾ به اضافو ٿي رهيو آهي. بنگلاديش سان هڪ نئون تعلق جڙي رهيو آهي. وزيراعظم ڪابينا کي قاهره ۾ بنگلاديش، انڊونيشيا ۽ ترڪيه سميت مختلف ملڪن جي قيادت سان ٿيل فائديمند ڳالهين تي اعتماد ۾ ورتو. وزيراعظم ٻڌايو ته بنگلاديش پاڪستان جي شپمينٽ جي 100 سيڪڙو چيڪنگ ختم ڪري ڇڏي آهي.ڍاڪا ايئرپورٽ تي پاڪستانين جي ڌار اسڪريننگ به ختم ڪري ڇڏي آهي. اسان طرفان به بنگلاديش لاءِ خوشگوار قدم کنيا پيا وڃن. چانورن جي ايڪسپورٽ شروع ٿي وئي آهي.

مضمون کا ماخذ : آزاد کشمیر لاٹری

متعلقہ مضامین