د وزیراعظم عمران خان د كورونا صورتحال په اړه په غونډې كښې د خيالاتو څركندونه

اسلام آباد 15 مئی (اے پی پی) وزیراعظم عمران خان وئيلي دي د پرمختګ كړو هيوادونو غوندې لاك ډاوَن نه شو كولې،يو خوا د كورونا بل پلو د هغې معاشی اثرات دي،مونږ له به دواړو مخ نيوې كول وي، پاكستان كښې د لاك ډاوَن څخه د ګڼو وګړو روزګار ځپلې شوے كومو به چې د ورځې په بنياد په ديهاړۍ وخت تيرولو، د ګل ورځې څخه به رجسټرډ بیروزګارو له زما د فنډ څخه نغدې روپۍ وركول پيل شي، مستحقینو له به 12 زره روپۍ وركولې شي، صوبې دې ټرانسپورټ پرانيزي ځكه چې دې سره غريب اولس ځپلې كيږي، حالات په قابو كښې دي خو د كورونا كيسونو زياتيدو اندېښنه ده۔ د دې خيالاتو څرګندونه ده د جمعې په ورځ د كورونا صورتحال په اړھ د غونډې په مهال وكړه۔ په دې موقع وفاقی وزیران اسد عمر، حماد اظهر، شبلی فراز، د خاص قامې صحت خاص مرستيال ډاكټر ظفر مرزا، خاص مرستياله ډاكټر ثانیه نشتر، ډاكټر فیصل او نور هم موجود وؤ۔ وزیراعظم عمران خان ووئيل حكومت احساس لري چې طبی څانګې سره تعلق لرونكې كارمندان ، ډاكټران او پوهان دا مهال په فشار كښې دې او په اوسني صورتحال كښې په هغوي لويه ذمه واري پرته ده ، هغوي لوئې جهاد كوي، ټوله نړۍ دا مهال د كورونا په ضد هلې ځلې كوي۔ ده ووئېل تر اوسه د كورونا وائرس ویكسین نه دې جوړ شوي او تر سږ كال آخرد ویكسین جوړولو امكان نشته۔ وزیراعظم ووئيل د لاك ډاؤن ګټه دا ده چې د هغې په وجه وائرس تندۍ سره خپور نه شو ځكه چې دا وائرس د وګړو راجمع كيدو سره په تندۍ خپريږي، د لاك ډاؤن مقصد دا وي چې وګړي د راجمع كيدو څخه منع كړي۔ وزیراعظم ووئيل چین، جنوبی كوریا او المان غوندې هيوادونو كښې لاك ډاؤن ختم شوے خو د كورونا دويمه چپه راغلې او بيا په خپريدو ده ۔ده ووئېل كله چې وګړي راجمع كيږي نو دا وائرس تندۍ سره خپريږي خو زمونږ مسئله دا ده چې تر څو به لاك ډاؤن كوو۔ وزیراعظم ووئيل امریكې په دې صورتحال كښې دوه زره دوه سوه اربه ډالره ، المان يو زر ارب یورو، جاپان يو زر ارب ډالره پیكج وركړے خو پاكستان 8 اربه ډالره پیكج اعلان كړے ځكه چې زموڼږ وسائل محدود دي او خپلو محدودو وسائلو سره مونږ د وګړو مرسته كولې شو۔ وزیراعظم ووئيل يو پلو كورونا وائرس دے او بل خوا د هغې معاشی اثراتو ته هم كتل دي، كورونا وائرس له امله رامخې ته شوي معاشی صورتحال څخه ګڼ وګړي ځپلې شوي كومو به چې د ورځې په بنياد په ديهاړۍ كار كولو۔ وزیراعظم عمران خان ووئيل حكومت د ډاكټرانو او طبی عملې ستونزو څخه خبر دے او حكومت هغې ته پام لرنه كوي۔ ده ووئيل حكومت احساس پروګرام د لارې مستحقینو له 12 زره روپۍ نغدي وركړي، حكومت به آخر تر څو دا ډول د اولس مرسته كوي۔ وزیراعظم اندېښنه څرګنده كړه چې سباؤن كښې د كورونا وائرس كیسونه زياتيدې شي۔ ده ووئيل د دې صورتحال مخ نيوي لپاره مونږ این سی او سی اداره جوړه كړې چرته چې د ورځې په بنياد د صورتحال جاج اخستلې كيږي، ټولو صوبو او اړوندو ډلو سره رابطه او مشاورت كيږي ۔ده ووئېل مونږ ته اندازه ده چې په سباؤن كښې به كيسونه نور هم زياتيږي خو كه مونږ د اولس د روزګار انتظام اونه كړو نو وګړي به د لوږي مړه شي۔ وزیراعظم ووئيل د كورونا صورتحال په وجه پولیو او د نور ویكسینیشن كمپائن هم ځپلې شوي، زمونږ په هيواد كښې حالات پهه قابو كښې دي او د لوئې څښتن په فضل چې كوم خدشات ؤ د هغې په مقابل كښې صورتحال زیات خراب نه شو۔ ده ووئيل په 24 اپریل زمونږ دا اندازه وه چې تر 24 مئی به د كورونا 52 زره 695 كیسونه رامخې ته شي او د يو زر 324 كسانو د مرګ اندېښنه وه خو تر 14 مئی 35 زره 700 متاثره كیسونه او 770 كسان مړه شوي، په دې مونږ د لوئې څښتن مننه كوو چې زمونږ د خدشاتو برعكس كار وشو۔ وزیراعظم ووئيل په هر 100 رنځورانو كښې څلور يا پنځه روغتون ته ځي، د كورونا كیسونو زياتيدو په وجه روغتونونو ته به د تلوونكو شميره زياته شي او انټینسیو كیئر یونټ (آئی سی یو) به هم دباؤ سره مخ شي۔ وزیراعظم ووئيل د اېس او پیز تر مخه كاروبار پرانيزو او په رو رو به لاك ډاؤن ختمولې شي۔ده په دككاندارانو او كاروباری طبقو زور راوړو چې په اېس او پیز عمل وكړي ځكه چې مونږ له به د كورونا وائرس خپريدو مخ نيوې كول وي او لاك ډاؤن له امله ځپلې شوو 15 كروړه وګړو مسئلې به حل كول وي ۔ وزیراعظم ووئيل كاروبار ضرور وكړې خو په اېس او پیز عمل او احتیاطی تدابیر اختیارولو سره۔ ده په ټائیګر فورس هم زور راوړو چې په دې اړه اولسي خبرتيا او شعور بيدارولو كښې كردار ترسره كړي او احتياط وكړي۔ وزیراعظم ووئيل ټرانسپورټ پرانستلو په اړه صوبې خدشات لري چې د دغې په نتيجه كښې وائرس په تندۍ سره خپريږي،مونږ پريكړې په مشاورت سره كوو دې لپاره د هغوي په خدشات پبلك ټرانسپورټ نه دې پرانستلې شوے خو بيا هم زه صوبو ته خواست كوم چې پبلك ټرانسپورټ پرانيزي ځكه چې ټرانسپورټ نه پرانستلو سره تر ټولو زياته غریب طبقه ځپلې كيږي څوك چې خپل ګاړي نه لري او هغوي كار لپاره تللو له پبلك ټرانسپورټ استعمالوي۔ وزیراعظم ووئيل اروپا چرته چې د ورځې 500 كسان د كورونا له امله مري هغوي هم پبلك ټرانسپورټ نه دې بند كړے۔ وزیراعظم عمران خان ووئيل حكومت د بیروزګاره طبقې احساس لري او هغوي لپاره حكومت امداد پروګرام پيل كړے چې ترمخه به ئې د رجسټریشن كوونكو جانچ پړتال نه پس د ګل ورځې څخه د وزیراعظم فنډ څخه نغدې روپۍ وركول پيل شي۔ وزیراعظم ووئيل كه وائرس تندۍ سره خپور نه شو نو كاروبار او لاك ډاؤن به پرانستلې شي۔ وزیراعظم په اولس زور راوړو چې خپلو كښې محدود شې او د مشرانو او ناروغه كسانو خاص خيال وساتې او هغوي د وائرس څخه بچ كولو لپاره احتیاط وكړې۔ وزیراعظم عمران خان ووئيل دا آختر د تيرو آخترنو څخه زيات مختلف دے او مونږ به آختر هم د تيروخت غوندې نه لمانځو بلكه په آختر كښې به زيات احتیاط كول وي

مضمون کا ماخذ : دیگر کلیدی الفاظ

متعلقہ مضامین