نیشنل کمانډ اېنډ آپرېشن سېنټر د کورونا وائرس په اړه تازه اپ ډېټ جاري كړل ، د کورونا اېکټو کېسونو شمېره 40 زره 931 او د مصدقه 66 زره 457، تېرو 24 ساعتونو كښې 2429 نوې كېسونه راپور ، د 78 نورو كسانو حق رسېدو سره د مړو مجموعي شمېره 1395 ته ورسېده

اسلام آباد ۔ 30 مئی (اے پی پی)نېشنل کمانډ اېنډ آپرېشن سېنټر (اېن سی او سی) د کورونا وائرس په اړه تازه اپ ډېټ جاري كړې دي چې له مخې ئې ګرد هېواد كښې د كورونا وائرس اېكټو كېسونو شمېره 40 زره 931 او د مصدقه كېسونو شمېره 66 زره 457 ته رسېدلې ده۔ د تېرو 24 ساعتونو په مهال 2429 نوې كېسونه راپور شوي دي۔ د 78 نورو كسانو حق رسېدو سره د كرونا دلاسه د مړو شويو مجموعي شمېره 1395 ته رسېدلې ده۔ د اېن سی او سی راپور له مخې تر دې دمه پنجاب كښې 24 زره 104 ٬ سندھ كښې 26 زره113 ٬ خېبر پختونخوا كښې 9 زره 66 ٬ اسلام آباد كښې 2192 ٬ بلوچستان كښې 4087، ګلګت بلتستان كښې 660 او آزاد کشمیر كښې 234 كېسونه رامخې ته شوي دي۔ ګرد هېواد كښې د دې رنځ څخه تر دې دمه 24 زره 131 رنځوران صحتياب شوي هم دي۔ د تېرو 24 ساعتونو په مهال د 78 نورو حق رسېدو سره په مجموعي توګه ددې وباﺀ له امله د مرګ خلې ته د تلې كسانو شمېره 1395 ته رسېدلې ده كومو كښې چې د سندھ 427، پنجاب 439، کے پی کے 445، ګلګت بلتستان 9 ، آزاد جموں و کشمیر 6، اسلام آباد 23 او بلوچستان 46 كسان شامل دي۔ تر دې دمه د 5 لكه 32 زره 37 وګړو د كورونا وائرس ټېسټونه شوي دي۔ د تېرو 24 ساعتونو په مهال د 12 زره 20 وګړو ټېسټونه وكړې شول۔ د هېواد په 727 روغتونونو كښې 4174 رنځوران درملنو ته بستر دي كومو كښې چې د 707 حالت اندېښمن ښودلې شي

مضمون کا ماخذ : خلائی جنگیں

متعلقہ مضامین