د وزیراعظم عمران خان په مشرۍ كښې د اكنامك اېډوائزري كونسل غونډه

اسلام آباد 06 ستمبر (اے پي پي) وزیراعظم عمران خان وئيلي دي د پاکستان تحریك انصاف حکومت د معاشي پالیسو محور لاندينۍ او د مېنځنۍ طبقې پرمختګ دے٬ هېواد به هغه وخت پرمختګ كوي كله چې زمونږ د پاليسو محور لاندينۍ طبقه رابره كول او دوي ته د پرمختګ يو ډول موقع وركول وي٬ د هېواد او د قام د پرمختګ خوب تر ھغې نشي رښتيا كېدې تر څو چې د ټولنې هر كس د معاشي نظام او د پرمختګ په عمل كښې شراكت دار جوړ نه كړې شي۔ د دې خيالاتو څرګندونه عمران خان د زيارت په ورځ په وزيراعظم افس كښې د اكنامك اېډوائزري كونسل غونډې مشرۍ كولو په مهال كړې۔ په غونډه كښې د خزانې وزير اسد عمر٬ د منصوبه بندۍ او پرمختګ وفاقي وزير مخدوم خسرو بختيار٬ د وزیرِاعظم صلاحكار عبدالرزاق داؤد، ډاکټر عشرت حسېن، د مركزي بانك ګورنر ٬ د خزانې سېكتر٬ ډاكټر فرخ اقبال، ډاکټر اشفاق حسن خان، ډاکټر اعجاز نبي، ډاکټر عابد قیوم سلهري، ډاکټر اسد زمان، ډاکټر نوید حامد، سید سلیم رضا او ثاقب شېراني ګډون وكړو۔ وزیرِاعظم د معيشت د نوميالو پوهانو په اكنامك اېډوائزري كونسل كښې د شاملېدو مننه كولو سره ووئيل د نوميالو شخصياتو تجربې او سفارشاتو څخه د هېواد ميعشت ته په پېښو مسئلو قابو موندلو٬ د حكومت اصلاحاتي اېجنډې او نوې سوچ عملي كولو له ډېره مرسته به تر لاسه شي۔ وزیرِاعظم ووئيل د بده مرغه په تېر وخت كښې جوړې كړې معاشي پاليسو كښې د لاندينې او مېنځنۍ طبقې په سماجي او معاشي پرمختګ او د دوي ضرورتونه بيخي نظر انداز كېدل۔ ده ووئيل د پاکستان تحریك انصاف حکومت د معاشي پالیسو محور لاندينۍ او د مېنځنۍ طبقې پرمختګ دے۔ وزیرِاعظم د مدينې د رياست مثال وركولو سره ووئيل په تاريخ كښې په وړومبي ځل په رياست كښې لاندينۍ او بې وځله طبقو ذمه واري پورته كړې ٬ د رياست ھغه تاريخي اقدامات سره نه يوازې محروم او كمزورې طبقې پخپلو پښو اودرېدلې بلكې ھغوي د نړۍ يو عظيم قوت په توګه رامخې ته شوي۔ ده ووئيل هېواد به هغه وخت پرمختګ كوي كله چې زمونږ د پاليسو محور لاندينۍ طبقه رابره كول او دوي ته د پرمختګ يو ډول موقع وركول وي۔ وزيراعظم ووئېل د هېواد او د قام د پرمختګ خوب تر ھغې نشي رښتيا كېدې تر څو چې د ټولنې هر كس د معاشي نظام او د پرمختګ په عمل كښې شراكت دار جوړ نه كړې شي۔ په دې موقع غونډه كښې ګډون كوٶنكو هېواد ته د پېښو معاشي مسئلو هواري له بېلا بېل تجويزونه وركړل

مضمون کا ماخذ : کمپیوٹرائزڈ لاٹری

متعلقہ مضامین