آغا خان ډوېلپمنټ نېټ ورك د پاكستان په بېلا بېلو سيمو كښې تعليم ٬ صحت او د كليوالو سيمو د پرمختګ په اړه د ستائنې جوګه خدمات ترسره كوي

اسلام آباد 27 ستمبر (اے پي پي) اولس مشر ډاكټر عارف علوي وئيلي دي آغا خان ډوېلپمنټ نېټ ورك د پاكستان په بېلا بېلو سيمو كښې تعليم ٬ صحت او د كليوالو سيمو د پرمختګ په اړه د ستائنې جوګه خدمات ترسره كوي۔٬ پرنس كريم آغا خان په نړيوال امن ٬ د مذهبونو ترمېنځه خبرو اترو ٬ كلتوري ودې لپاره بصيرت او ستړې هڅې ګرده نړۍ كښې په اقتصادي لحاظ سره د وروستو پاتې شوو ټولنو پرمختګ كښې مهم كردار لري۔ د دې خيالاتو څرګندونه اولس مشر د آغا خان كونسل فار پاكستان صدر حافظ شېرالي سره په خبرو كښې وكړه چا چې اولس مشر ته د پرنس كريم آغا خان خط وړاندې كولو لپاره د زيارت په ورځ په ايوان صدر كښې ملاقات وكړه ۔ پرنس کریم آغا خان اولس مشر ته په اولس مشر ټاكلې كېدو مباركي وركړه ۔ ده د پاكستاني اولس د ژوند معيار ښه كولو لپاره د آغا خان ډوېلپمنټ نېټ ورك او د پاكستان ترمېنځه مرستې او د ګډې په كار رڼا هم واچوله۔ اولس مشر ډاكټر عارف علوې ووئيل آغا خان ډوېلپمنټ نېټ ورك د پاكستان په بېلا بېلو سيمو كښې تعليم ٬ صحت او د كليوالو سيمو د پرمختګ په څانګو كښې د ستائنې جوګه خدمات ترسره كوي۔ ده د آغا خان فاٶنډېشن لخوا د كال 2005 په زلزله كښې د وركړې شوو خدماتو هم ستائنه وكړه ۔ اولس مشر ووئيل د د آغا خان نيكه سر سلطان شاہ آغا خان د قائداعظم محمد علی جناح نزدې ملګرې ٶ او ھغوي په تحريك پاكستان كښې مهم كردار ترسره كړې۔ حافظ شېرالي اولس مشر پاكستان كښې د آغا خان ډوېلپمنټ نېټ ورك د هلو ځلو نه خبر كړو

مضمون کا ماخذ : میگا سینا اکمولاڈا

متعلقہ مضامین